JULY 8 2021 ANG PROBINYSANO TULOY ANG LABAN 7.28
ANG PROBINSYANO FULL HD
THE PIRATES
THE PIRATES
THE PIRATES
EPISODE
ANG PROBINSYANO FULL HD
EPISODE
ANG PROBINSYANO FULL HD
EPISODE
ANG PROBINSYANO FULL HD
EPISODE
GUSTO MO SUMALI SA GROUPS ?
UPDATED ON TIME ANG POSTING
6PM MANILA TIME,
SATURDAY-WEDNESDAY
JOIN HERE:
CLICK HERE:
PAGE:
CLICK HERE:
GROUP CHAT
CLICK HERE
Update SCHEDULE
Sabado -Monday
Sunday- Tuesday
Monday - Wednesday
Tuesday- Thursday
Wednesday- Friday
LOOK: Manila Mayor Francisco ‘Isko Moreno’ Domagoso awarded the 229 Basecommunity units to its beneficiaries on Monday, July 5.
Basecommunity is one of the public housing projects initiated by the current local government administration.
The project includes 229 townhouse-type units. Each unit is 42-square meters, with two bedrooms, one living room, one kitchen, one laundry area, one toilet and bath area.
Kabanata 1
“Darryl, itapon mo nga nga itong mga pinaghugasan namin ng paa.”
Tatlong mga babae ang makikitang nakaupo sa isang sofa, katatapos lang nilang ibabad at hugasan ang kanilang mga paa. Nagpapakita ng kaakit akit na ganda at class ang mga ito sa sinumang titingin sa kanila mula sa malayo, mayroon din silang kanya kanyang mga asset. Isa sa mga ito ang asawa ni Darryl habang ang dalawa ay ang dalawang pinakamatatalik niyang mga kaibigan.
Matapos marinig ang utos ng kaniyang asawa, masunuring itinapon ni Darryl ang maruming tubig mula sa tatlong mga pinagbabarang batsa. Hindi na siya nakagawa ng kahit na anong imik dahil isa siyang manugang na nakikitira sa pamilya ng kaniyang asawa. Kahit tatlong taon na ang lumipas mula noong ikasal sila ng kaniyang asawa, hindi na siya nagkaroon ng lugar sa pamilya ng kaniyang napangasawa. Madalas siyang sinesermonan ng kaniyang asawa at ng kaniyang biyenan sa tuwing nakakagawa siya ng kahit kaunting mali na makita ng mga ito sa kaniyang mga ginagawa. Mas nagawa pang irespeto ng mga ito ang kanilang aso kaysa sa kaniya.
Tatlong taon nang kasal sina Darryl at Lily Lyndon, pero mukhang sa pangalan lang ito makikita dahil hindi pa kailanman nila nasusulit ang kanilang pagsasama. Ni hindi manlang niya mahawakan ang kamay ng kaniyang asawa! Sa sahig lang din natutulog si Darryly dahil sa tindi ng inis sa kaniya ng asawa niyang si Lily.
Paglalaba, pagluluto, paglilinis ng mga kuwarto, ang lahat ng gawaing bahay ay nakatoka kay Darryl araw araw. Isang araw, kalahating oras siyang sinermonan ng asawa niyang si Lily matapos aksidenteng makabasag ng isang mangkok habang nagluluto.
Nagkaroon rin ng isang pangyayari kung saan hindi sinasadyang magising ni Darryl ang kaniyang asawa habang papunta sa banyo. Agad siya nitong sinampal nang malakas nang walang pagaalinlangan.
Ito ang unang beses na sinaktan si Darryl ng kaniyang asawa. Hindi siya nagawang pagbuhatan ng kamay maging ng kaniyang mga magulang noong siya ay bata pa! Kaya natural lang na magalit siya rito pero kinakailangan niya itong pigilan at sarilinin. Ang tanging magagawa niya lang ay ang magmakaawa at humingi ng tawad kay Lily. Pero sa huli, nagawa pa rin siya nitong paluhurin magdamag.
Tatlong taon na ang nakalilipas kaya sanay na si Darryl sa ganitong buhay. Wala na siyang masisi kundi ang kaniyang sarili sa pagiging manugang sa pamilyang ito hindi ba? Ang masaklap pa rito ay ang matinding pagmamahal na nararamdaman pa rin ni Darryl sa kaniyang asawang si Lily kahit na araw araw siya nitong kinamumuhian at itinuturing na basura!
Pangalawang anak si Darryl sa angkan ng Darby, kilala sila bilang pinakamalaking angkan sa buong Jiangnan Region. Tatlong taon na rin ang nakalilipas mula noong gumastos siya ng walong milyon para bilhin ang 8% ng kumpanyang Southeast Petroleum.
Daan daang miyembro ng kanilang angkan ang nagalit sa ginawa ni Darryl noong mga panahong iyon. Tinawag naman siyang hibang ng iba niyang mga kaangkan, habang inisip naman ng iba na sinusubukan nang solohin ni Darryl ang kayamanan ng kanilang angkan sa ginawa niyang ito. Kaya nagkasundo at nagpasya ang buong angkan ni Darryl, kasama ang kaniyang mga sariling magulang, na itakwil siya at burahin sa kasaysayan ng kanilang angkan!
Naramdaman ni Darryl ang mabilis na pagiging negatibo ng mga relasyon sa loob ng tatlong taon niyang karanasan kasama ang kaniyang asawa. Mabilis ring humahanap ng dahilan ang kaniyang mga dating matatalik na kaibigan upang layuan siya. Kaya wala na siyang nagawa kundi tumira sa pamilya ng kaniyang asawa para mabuhay. Hindi niya nasabi ang pangyayaring ito sa kahit kanino maging sa asawa niyang si Lily.
“Ohh Lily, mukhang naturuan mo nga nang husto ang asawa mong iyan.” Sabi ni Jade na isa sa mga best friend ni Lily.
Nanlalamig namang tumawa si Lily ant sinabing “Si Darryl ba ang tinutukoy mo? Nagiinit na ang ulo ko sa tuwing nakikita ko ang basurang iyan. Habang ang ibang babae ay nagpapakasal sa mga lalaking nagmula sa mga kilalang pamilya. Natali naman ako sa basurang iyan. Tingnan mo, ang dungis dungis niya. Mukha na siyang mahirap na trabahador sa probinsya. Siguradong kahihiyan lang ang dadalhin niya sa annual reunion ng aming angkan bukas.”
Hindi naiwasang mapatingin ni Jade kay Darryl. Walang duda na mumurahin nga ang brand na suot na damit ni Darryl at nagmukha na rin itong madungis. Tumatawang sinabi nito na “Sige na Lily, tama na ang tungkol sa kaniya. Pero seryoso, totoo ba ang narinig kong may problema raw ang kumpanya niyo nitong nakaraan?”
Dahan dahan namang tumango si Lily at sinabing “Milyon milyon ang nawala sa amin noong simulan naming pasukin ang fashion industry last month. Kaya kinakapos na ngayon ang aming kumpanya, kailangan na naming makahanap ng investor ngayong linggo para makakuha ng five million dollars para maibangon ang kumpanya.”
“Ohh Lily, sino namang investor ang magbibigay ng five million sa loob lang ng isang lingo para pondohan kayo?” buntong hininga ni Jade.
Hindi na sumagot pa rito si Lily, agad niyang napansin na nakikinig si Darryl sa kanilang usapan dahil tapos na nito ang kaniyang ipinapagawa. Nagbigay siya ng matalim na tingin dito at walang awang sinabi na “Sinong nagsabi sa iyo na puwede kang magstay dito, Darryl? Umalis ka na at maglaba ng mga damit ko.”
“Labhan mo na rin ang mga jeans ko sa maleta.” Dagdag ni Jade.
Hindi na nagawa pang magreklamo ni Darrly at agad na inilagay ang damit ng mga ito sa washing machine kasama ng sarili niyang mga damit. Bukas na ang kanilang high school reunion kaya kailangan niyang magmukhang presentable kahit papaano. Naputol ang kaniyang pagiisip nang biglang magvibrate ang kaniyang cellphone. Chineck niya ito at nakita ang isang text message mula sa isang numero na mayroong anim na digits sa dulo. Agad na napakunot ang kaniyang mga kilay nang makita ang numerong ito “Hindi bat ito ang numero ng aking angkan?” isip niya.
Nagtatakang binuksan ni Darryl ang text message at nagulat nang mabasa ito.
“O aming ikalawang young master, tulungan mo ang ating angkan. Nangangailangan ang ating angkan ng malaking pondo kaya kakailanganin namin ang suportang magmumula sa iyo!”
“Sinong niloko nito!” Kumunot muli ang mga kilay ni Darryl habang nagiisip nang magisa. “Tatlong taon na ang makalilipas mula noong itakwil ako ng buong angkan kaya wala nang kahit na anong kapangyarihan ang aking pangalan. Bente na lang din ang natitira sa aking bulsa, kaya bakit sila hihingi ng tulong pinansyal sa akin? Ano pa bang mahihita nila sa akin ngayon?”
Muling napatingin si Darryl nang magvibrate sa ikalawang beses ang kaniyang cellphone. Nakatanggap muli ito ng isa pang mensahe.
“Pakiusap young master, nagmamakaawa ako na tulungan mo ang pinagmulan mong angkan. Lumaki na nang husto ang kita ng shares na iyong binili tatlong taon na ang makalilipas. Kaya pakiusap… siguradong babagsak ang ating angkan kung hindi mo kami matutulungan…”
“Ano?”
“Napaatras si Darryl matapos basahin ang ikalawang text message. Agad niyang kinuha ang kaniyang Black Card mula sa Amethyst Bank sa loob ng isang iglap. Tatlong taon na rin niyang hindi nagagamit ang card na ito. Isa itong status symbol sa sumisimbolo sa mga mayayaman dahil ang bawat isang card ay mayroong isang customer service representative na nakahandang tumulong sa mayari nito sa anumang oras. Agad niyang idinial ang customer service hotline ng bangko.
“Maligayang pagbalik Mr Darby. Ano po ang maipaglilingkod namin sa iyo?” sagot ng isang sweet na boses ng babae.
“Ipakita mo sa akin ang balance ng aking account. Dali!”
“Wala pong problema sir, sandali lang po.” Sagot ng babae. Matapos ang ilang segundo, muling nagsalita ang babae. “Mr. Darby, lumampas na po sa checking limit ng bangko ang kabuohang account balance ng iyong account. Kaya maaari po kayong pumunta sa VIP section ng aming bangko dala ang mga kinakailangan naming valid ID at iba pang dokumento para matulungan kayo sa inyong request.”
Hindi pa natatapos ang babae sa kaniyang pagsasalita nang agad na ibaba ni Darryl ang tawag.
“Sobrang laki na ng pera sa bank account ko!?” tawa ni Darryl habang tuwang tuwang nagiisip sa kaniyang sarili. Sino ba namang makapagsasabi na ang napakalaking investment na kaniyang ginawa tatlong taon na ang nakalilipas, na siya ring nagging dahilan ng pagtakwil sa kaniya ng kaniyang pamilya ay lalago nang ganito!
“Lily, tingnan mo si Darryl, tuwang tuwa niyang tinitingnan ang balanse ng kaniyang bank account sa kaniyang cellphone.” Hindi mapigilang matawa rito ni Jade.
Natawa rin dito si Lily “Binibigyan ko siya ng 200 na allowance kada araw. Mukhang nakaipon na siya nitong nakaraang tatlong taon.”
“Ohh Lily, isipin mo na para ka lang nagaalaga ng isang aso.” Sabi ni Jade na nakapagpatawa sa kanilang tatlo.
Excited na tumakbo si Darryl papunta sa kaniyang asawa at sinabing “Kailangan ng kumpanya niyo ng 5 million dollars hindi ba? Paano kung sabihin ko sa iyong nakahanap na ako ng paraan para matulungan ka sa inyong problema?”
Malakas at tila walang hanggan naman ang naging pagtawa rito ni Jade. Sandali niyang tiningnan ni Darryl at sinabing “Darryl, naiintindihan mo ba kung gaano kalaki ang five million? 200 lang ang ibinibigay sa iyo ni Lily araw araw. Pero kung magagawa mo talagang maglabas ng limang milyon, mukhang kailangan na kitang tawagin na daddy.”
“Talaga lang ha?” ngisi ni Darryl na parang isang tuso. “Kung ganoon, tandan mo ang mga sinabi mong iyan.”
Hindi na siya magawa pang pagpasensyahan ni Lily. Mukhang nawala na sa tamang katinuan si Darryl matapos tumayo sa kanilang harapan na parang isang katulong at guluhin si Lily. Kaya naiinis niyang itinaas ang kaniyang kamay at sinabing “Umalis ka na, sumasakit na ang mga mata namin sa iyo.”
“Oh, sige.” Sabi ni Darryl at tahimik na umalis sa harapan ng mga ito.
Hindi na nagawa pang makatulog ni Darryl kinagabihan sa sobrang pagkasabik. Hindi siya makapaniwala sa hindi inaasahang balita na kaniyang natanggap kanina. Gustong guso na niya magpunta sa bangko upang tingnan nang personal ang perang nilalaman ng kaniyang bank account.
Napaikot ikot sa kaniyang higaan si Darryl bago makatulog nang bahagya. Pero nang papalalim na ang kaniyang tulog, agad na maririnig sa buong sala ang boses ng kaniyang biyenan.
“Gumising ka na Darrly at ihatid ang anak ko sa trabaho.”
Narinig ni Darry ang boses ng biyenan niyang si Samantha sa kaniyang pagtulog. Kaya inakala na isa lang itong panaginip at tumalikod para ipagpatuloy ang malalim niyang pagtulog. Pero sa mga sandalling ito, malakas na bumukas ang pintuan ng kanilang kuwarto at agad siyang tinadyakan ng naiiritang si Samantha.
“Bingi ka ba o tanga? Hindi mo ba naririnig na tinatawag kita para ihatid si Lily sa trabaho?” walang awang sinabi ni Samantha.
Aminado rin si Darryl na maganda pa rin si Samantha kahit nasa thirties na ang edad nito. Siguradong pinangangalagaan nito nang husto ang kaniyang itsura.
Inaantok pang tumayo si Darryl mula sa sahig na kaniyang hinihigaan at napatigil na tiningnan ang kaniyang biyanan. “Tatlong taon matapos naming ikasal, hindi manlang kami nakalabas ni Lily kahit isang beses dahil kahihiyan lang ang turing niya sa akin, pero ngayon gusto na nitong ihatid ko siya sa trabaho!?” Isip ni Darryl.
Nasa punto na siyang iyon ng kaniyang iniisip nang mismong si Lily na ang pumasok sa kanilang kuwarto, nakabihis ito sa kaniyang business attire. Agad nitong ipinadyak ang kaniyang paa sa sahig at sinabing “Bingi ka ba? Dahilan mo o di kaya ayaw mo talaga akong ihatid?”
“Gusto ko! Gusto ko!” Sabi ng walang tigil sa pagtangong si Darryl. Nagmamadali siyang nagbihis at sumakay sa kaniyang electric bike para ihatid si Lily sa opisina nito.
Naglalagablab ang galit ni Lily sa mga sandaling ito dahil sa kakulangan sa pondi ng kanilang kumpanya at sa pangangailangan nito ng 5 million para muling makabangon. Pero hindi pa siya nakakahanap ng investor na magbibigay ng ganito kalaking halaga sa kanila kaya nahaharap na sa pagkalugi ang kanilang kumpanya! Agad na nagpatawag ng emergency meeting ng mga shareholders ang kumpanya, at bilang general manager, kinakailangan niyang dumalo sa meeting na ito. Noong paglabas niya lang para pumasok naalala na ipinahiram niya pala ang kaniyang sasakyan kay Jade. Kaya wala na siyang nagawa kundi magpahatid kay Darryl sa trabaho.
Kabanata 2
“Wala na bang ibibilis pa ito? Siguradong lagot ako pag nalate ako sa meeting namin.” Hindi mapakaling sinabi ni Lily matapos mapansin ang mabagal na pagtakbo ng bike ni Darryl.
Nang lumabas ang mga salitang ito sa kaniyang bibig, agad itong pinagsisihan ni Lily dahil agad na sinagad ni Darryl ang bilis ng kaniyang luma at sirasirang bike!
Masyadong itong naging mabilis para kay Lily kaya wala na itong nagawa kundi mapayakap nang husto sa baiwang ni Darryl.
Agad na nanginig ang buong katawan ni Darryl sa pagyakap na ito ni Lily. Sa tatlong taon ng kanilang pagsasama, itoa ng unang beses na nagkaroon sila ng physical contact sa isa’t isa. Agad siyang nakaramdam ng matinding pagkasabik sa kaniyang dibdib mula sa pressure na ibinibigay ni Lily sa kaniyang likuran at lalo pang pinabilis ang takbo ng kaniyang bike.
Kinalaunan ay nakarating na rin ang magasawa sa main entrance ng office building na pinagtatrabahuan ng kaniyang asawa, nakahinga na rin nang maluwag si Lily nang huminto ang sinasakyan ilang bike sa tapat ng pinagtatrabahuan niyang building. Habang pababa sa bike, agad niyang narinig ang napakalakas na tunog mula sa isang sasakyan. Isang Audi Q5 ang huminto at nagpark sa tabi ng bike, isang lalaki ang bumaba mula rito.
Nilock ni Ashton Adagio ang kaniyang sasakyan at inayos ang kaniyang suit. Naglakad siya papunta kay Lily at tinuro si Darryl “Lily, sino ang lalaking ito?”
“Siya si Darryl.” Mahinhing sagot ni Lily habang bumababa sa bike.
Nagulat ang buong Donghai City sa kasal nina Darryl at Lily tatlong taon na ang makalilipas. Hindi inakala ng kahit na sinong nakatira sa Donghai City na ang mahinhin at ang napakagandang si Lily Lyndon ay nagpakasal sa isang basura.
“Oh, siya pala ang basurang iyon.” Walang awang Singhal ni Ashton. Hinubad niya ang kaniyang coat at ipinahiram kay Lily. “Kawawang Lily, mukhang nilamig ka papunta rito, isuot mo ito. May regalo rin pala ako sa iyo.”
Bumalik si Ashton sa kaniyang sasakyan para kunin ang isang karton na may marangyang itsura.
Naglalaman ito ng isang napakagandang pares ng high heeled shoes na gawa sa kristal. Siguradong magiging elegante at magkakaroon ng class ang sinumang magsusuot nito.
Ilang taon na ang makalilipas nang pasukin din ng angkan ni Darryl ang fashion industry kaya nagawa niyang makakilala ng ilang mga kilalang fashion designers. Kung hindi siya nagkakamali, ang pares ng heels na ito ay dinisenyo ng isang british designer na nagngangalang Minah, pinangalanan niya itong ‘The Worship of Crystal’. 99 na pares lamang nito ang ginawa noong taong iyon at ang bawat isa ay agad na nabili sa mismong sandali na irelease ito. Mga kilalang pamilya ang bumili sa karamihan ng mga ito, kaya kahit magkaroon man ng malaking pera ang kahit na sino sa mga sandaling ito, magiging imposible pa rin para sa kanya na makakuha ng isang pares nito.
Mukhang totoo ang mga sapatos na hawak hawak ni Ashton sa mga sandaling ito, pero makikita rin sa mausisang pagtingin ang matatalas na dulo nito, kaya sigurado na isa lang itong replica.
“Alam ko namang matagal mo nang gusto ang heels na ito, kaya nalungkot ako para sa iyo. Tumingin ako kung saan saan pero hindi ako makahanap ng original nito.” Sabi ni Ashton habang ibinibigay ang pares ng heels kay Lily. “Kaya gumastos ako ng 300,000 para sa replicang ito. Suotin mon a ito ngayon at bigyan ako ng isang buwan para makabili ng isa sa mga original nito.”
“Ok lang.” Mahinang sinabi ni Lily habang tinatanggap ang pares ng heels “Mukhang imposible nang makahanap ka ng original nito. Kahit na makahanap ka man, masyado nang mahal ang magiging presyo ng mga iyon. Ang isang pares nito ay nagkahalaga ng 30 million sa isang auction last year. Kaya hindi mo na kailangan pang magsayang ng panahon para rito. Mukhang ok na rin naman ang mga replica na ito.”
“Talaga…” Napalunok si Ashton sa kaniyang narinig. Nasa kulang kulang 30 million lang ang kaniyang net worth at hindi niya rin magagamit ang lahat ng ito para lang makabili ng isang pares ng heels. Kaya natawa na lang siya sa awkwardness na kaniyang naramdaman.
Dito na sumingit si Darryl, kinuha ang pares ng heels at itinapon ang mga ito sa sahig!
“Aking asawa, hindi mo kailangang kumuha ng mga bagay bagay mula sa ibang tao. Kung iyan ang gusto mo, bilang asawa, kinakailangan kong bilhin ang mga iyon para sa iyo.” Sabi ni Darryl habang nakahawak sa braso ni Lilly, hinatak niya ito papasok sa building.
“Anong pinagsasabi mo Darryl?” bulong ni Lily.
Nakatayo sila sa main entrance ng office building na pinagtatrabahuhan ni Lily, at bilang General Manager, kinakailangan niyang kontrolin ang init ng kaniyang ulo. Dahan dahan niyang inaalis ang kamay ni Darryl sa kaniyang braso pero masyadong naging mahigpit ang pagkapit nito sa kaniya.
“Sandali lang!” Nagmamadaling sigaw ni Ashton. 300,000 ang bili niya sa pares ng sapatos na ito kaya siguradong hindi niya ito palalampasin!
“Ano ang ibig sabihin nito?” sabi ni Ashton habang mabilis na naglalakad palapit sa magasawa, dinuro at sinigawan nito si Darryl. “Ipagdasal mo na hindi basag ang mga heels na ito dahil siguradong hindi mo ito mababayaran kahit ibenta mo pa ang kidney mo! Alam mo ba iyon?”
“Una sa lahat, asawa ko si Lily, kaya lumayo ka na sa kanya.”
“Ikalawa, kung nilalamig ang asawa ko, puwede niyang ipatong ang T Shirt na suot ko.” Nang matapos ang kaniyang sinabi, kinuha ni Darryl ang jacket ni Ashton at ibinato rin ito sa sahig. “At higit sa lahat, ibibigay ko ang anumang bagay na gusto ng asawa ko. Hindi ganoon kababa ang aking asawa para magsuot ng mga mumurahing replicas. Kaya dapat ko lang siyang regaluhan ng totoong Worship of Crystal mamayang gabi.”
“Isa ka talagang tanga! 300,000 na ang halaga ng replica nito! At kung titingnan ang sirasira mong bike, paano mo nagagawang magkunwari na mabili ang mga original nito!?” Agad na nagalit nang husto si Ashton. Bilang tagapagmana sa angkan ng Adagio, walang sinuman ang nagsalita sa kaniya nang ganito sa loob ng ilang taon.
At ang pinakanagpagalit dito ay ang hindi pagpansin sa kaniya ni Darryl habang hinahatak si Lily papasok sa building.
Tumilapon ang bike ni Darryl sa lakas na pagsipa rito ni Ashton. Pero hindi pa ito sapat para humupa ang kaniyang galit, kaya agad niya pa itong pinagtatadyakan.
Samantala, sa loob ng opisina ng general manager ng Neptunus Corporation…
Umupo si Lily sa kaniyang office chair at nanlalamig na tinitigan nang husto si Darrly. Nanginginig ito sa sobrang galit. Isa nang kilalang negosyante sa industriya ng real estate si Ashton, at sinusuportahan din ito ng nangungunang angkan sa buong Jiangnan-ang angkan ng Darby!
Kinakailangan ng Neptunus Corporation ng 5 million dollars na investment at pinaplano sana ni Lily na gawing investor si Ashton dito. Pero matapos nang ipinakita ni Darryl kanina, sigurong nagngingitngit na sa galit ngayon si Ashton.
“Hindi ko na dapat sinama rito si Darryl! Wala na siyang ginawa kundi puro kahihiyan, ito lang ang bagay na pumapasok sa isip ko sa tuwing nakikita ko siya!” isip ni Lily.
“Ano pang tinatambay tambay mo rito? Alis!” walang awang sinabi ni Lily habang nakatitig kay Darryl.
“Oo ng apala.” Bulong ni Darryl, at agad na umalis sa opisina ng kaniyang asawa.
Lalo lang nagalit si Lily sa ipinakitang asal ni Darryl kanina, dito na lalong bumaon ang pagkainis sa kaniyang mga buto. Nitong mga nakaraang taon, nakita niya kung paano magpakasal ang kaniyang mga kaibigan sa mga lalaking nagmula sa mararangya at kilalang mga angkan. Katangi tangi ang mga lalaking napapangasawa ng mga ito, maging ang pinakamahirap sa mga ito ay mayroong dalawang mga bahay at bilyon bilyong net worth.
Lalong sumama nang sumama ang naging tingin ni Lily kay Darryl habang iniisip ito. Siguradong pagtatawanan nanaman siya ng kaniyang extended family sa kaniyang reunion mamayang gabi.
“Sinong sumira sa bike ko!?” sigaw ni Darryl sa tapat ng building.
Tatlong taon na ang bike na iyon sa kaniya! Sinasakyan ito ni Darryl sa tuwing mag gogrocery siya araw araw kaya nasaktan siya nang makita itong sira sira at hindi na maari pang magamit. Agad namang naging malinaw sa kaniya na ang bastos na si Ashton ang gumawa nito sakaniyang bike.
Sa mga sandaling ito, ilang mga babaeng nakasuot ng business attire ang naglakad gamit ang suot nilang mga high heeled na sapatos. Empleyado ang mga ito sa kumpanyang pagaari ng angkan ni Lily, pinagchismisan at dinuro duro ng mga ito si Darryl.
“Tingnan ninyo Ladies, hindi bai yon ang asawa ni Ms. Lyndon na si Darryl?”
“Siya nga iyon! Umattend ako sa kasal nilang dalawa noon.”
“Tingnan niyo siya, nagluluksa sa sira sira niyang bike…”
Hindi na makapagpigil pa ang mga babaeng iyon kaya agad nilang pinagtawanan si Darryl.
Hindi pinansin ni Darryl ang presensya ng mga ito at dahan dahang hinawakan ang kaniyang bike “Hay…parang naging kapatid ko na rin ang bike na ito, huwag kang magalala. Ipaghihiganti kita kaya huwag kang magalala…”
Habang hinahawakan ang kaniyang bike, nilabas niya ang kaniyang cellphone at dinial ang number ng kanilang angkan.
“Hello, ako ito si Darryl. Tutulungan ko ang angkan natin sa dalawang kundisyon. Una, hanapan niyo ako ng isang pares ng Worship of Crystal. At ikalawa, mayroong isang lalaki na nagngangalang Ashton Adagio na nagooperate sa ilalim natin hindi ba? Gusto kong alisin ninyo ang lahat ng nasa pangalan niya.”
Matapos niyang ibaba ang tawag, anakatanggap siya ng isang text message mula kay Lily. Naglalaman lang ito ng ilang mga salita “Mamayang gabi na ang annual gathering ng mga Lyndon, bumili ka ng bagong set ng mga damit, at huwag na huwag mo akong bibigyan ng kahihiyan.”
***
Sa eastern sea coast, isang villa na nakatayo sa tabing dagat, sa isang kuwarto kung saan makikita nang buo ang tanawin ng karagatan inimbitahan ng tumatayong ama sa angkan ng Derby si Darryl para makipagusap.
Walang pakialam na umupo si Darryl sa isang rocking chair habang umuupo naman sa harapan niya ang tumatayong ama ng kanilang angkan na nagngangalang Drake Darby, tito ito ni Darryl sa kaniyang ama.
Matapos makita ang pagupo ni Darryl, natawa si Drake at sinabing “Oh Darryl, kahit ilang taon na ang lumipas, wala ka pa ring pakialam sa kahit na ano.”
“Huwag na tayong magpatumpik tumpik pa tito, marami pa akong gagawin mamayang gabi. Sinabi mong lubog sa utang ang ating angkan, gaano ba kalaki ito?” Kumuha si Darryl ng isang malaking cherry at nilagay sa kaniyang bibig bago niya sinimulang nguyain.
“Well… hindi naman ito kalakihan…” nadadalang sinabi ni Drake habang napapakamot sa kaniyang ulo. Bilang kinikilalang ama ng kanilang angkan, siguradong marami na itong napuntahang mga importanteng meeting, pero ngayong sila ang nangangailangan ng tulong, kinakailangan niyang magpakita ng pagiingat sa kaniyang mga sinasabi.
“3 billion dollars lang ang utang na kinakailangan nating bayaran…”
“Ano!? Three billion dollars!?” isip ni Darryl.
“Um…tito, marami pa akong dapat na gawin, mauuna na po ako.” Nalalamyang sinabi ni Darryl habang tumatayo at naghahandang umalis.
“Oh Darryl!” nagmamadaling sinabi ni Drake. “Kailangang kailangan ng ating angkan ng pera! Siguradong guguho ang lahat ng ating mga pinaghirapan sa sandaling hindi mo kami matulungan! Sinisiguro ko sayo na matutupad ang mga kundisyong sinabi mo kanina! Wala nang matitira na kahit ano kay Ashton Adagio mamayang gabi at papunta na rin dito ang Worship of Crystal na hinihiling mo.”
“Gusto kitang tulungan tito, pero saan naman ako makakahanap ng ganoon kalaking halaga?” sabi ni Darryl habang nagbubuntong hininga.
“Gusto mo bang makita na gumuho sa iyong harapan ang ating angkan? Mayroon kang 3.2 billion sa iyong back account!” desperado na sa mga sandaling ito si Drake. “Dapat nating alalahanin ang ating mga pinagmulan!”
Dahan dahang nawala ang mga ngiti sa mukha ni Darryl nang marinig ang mga salitang ito. “Tito, sinabi ng asawa mon a gusto kong solohin ang kayamanan ng ating pamilya noong bumili ako ng shares sa Southeast Petroleum! Tinakwil din ako ng daan daan nating mga kapamilya, itinakwil at pinaalis mo rin ako sa ating angkan! Mayroon ba akong napuntahan o kumampi man lang sa akin!?”
“Sigurado akong malinaw din sa inyo na kinita kong magisa ang eight million na pinangbili ko ng shares noon, hindi kailanman ito nagmula sa kayamanan ng ating pamilya!”
“Ilang taon din akong tinrato nang mas mababa pa sa isang aso matapos maging isang mangugang na nakatira sa pamilya ng aking napangasawa, walang ni isa sa inyo ang tumulong sa akin hindi ba!?”
“At sigurado rin ako na kakalimutan niyo na ang pangalan ko kung hindi lang kayo nangailangan ng pera!” nagsara nang husto ang mga kamay ni Darryl habang galit na nilalabas ang kaniyang mga nararamdaman sa bawat salita na kaniyang binabanggit.
“Nagkamali ang iyong angkan sa pagtakwil naming sa iyo, Darryl… Pero kailangang kailangan talaga ng ating angkan ng tulong mula s aiyo…” sabi ni Drake habang humahakbang paabante at humahawak sa braso ni Darryl. Huminga ito nang malalim at nagpatuloy sa pagsasalita “Darryl, bilang kinikilalang ama ng ating angkan, ibibigay ko sa iyo ang posiyon ng President sa Platinum Corporation, suportahan mo lang ang ating angkan, ibigay mo sa akin ng ID mo, at magpunta sa office building ng Platinum Corporation bukas. Isang secretary ang maghihintay sayo roon para bigyan ka ng iba pang mga detalye.”
Ang Platinum Corporation ay isang entertainment company na may pinakamataas na potensyal sa mga hawak na kompanya ng mga Darby. Maraming mga kilalang artista ang nasa ilalim ng kanilang kontrata.
Nangyari ang lahat ng ito habang nasa ilalim ng asawa ni Drake ang Platinum Corporation. Kaya masusurpresa ang kahit na sino sa sandaling malaman nila na nakahanda si Drake na ibigay ito kay Darryl.
“Walang problema, kung wala nang iba, mauuna na ako.” Sabi ni Darryl matapos itong pagisipan nang bahagya. Kahit na mukhang hindi pa rin sapat ang Platinum Corporation sa halagang three billion dollars, nagbago ang kaniyang isip nang makita ang nagbabadyang pagiyak ng kinikilala ng ama ng angkan sa kaniyang harapan.
Umalis si Darryl matapos niyang magsalita. Ngayong gabi gaganapin ang taunang reunion ng mga Lyndon, pero mayroon pang dapat puntahan si Darryl bago iyon, ito ay ang kanilang high school reunion. Magsisimula na ang kanilang reunion at ayaw niya ring magpahuli sa okasyong ito. Matagal na rin niyang namiss ang kaniyang mga kaklase matapos ang matagal na panahong hindi sila nagusap usap. Dadalo sa reunion ang bawat isa sa kaniyang klase maging ang maganda nilang class teacher ay siguradong pupunta rin doon.
Kabanata 3
Samantala, sa Neptunus Corporation.
Kalalabas lang ni Lily sa meeting room matapos ang meeting ng mga shareholders nang makita niya ang mga babaeng empleyado na naguusap at nagtatawanan habang nakatingin sa kanilang mga cellphone.
Paano nila nagawang magpatambay tambay during work hours? Naglakad si Lily papunta sa mga babaeng empleyado para sabihan ang mga ito, at doon na niya nakitang nanonood ang mga ito ng video, at makikita sa video na ito ang isang lalaki na walang iba kundi si Darryl!
“Parang naging kapatid ko na rin ang bike na ito, huwag kang magalala. Ipaghihiganti kita…”
Makikita sa video ang mukhang nagluluksang si Darryl habang niyayakap ang kaniyang bike.
“Haha, nakakatawa naman ang lalaking ito, kilala niyo ba siya?”
“Hindi mo siya kilala? Iyan ang asawa ni Miss Lyndon.”
“Ano? Iyong basurang Darryl na iyon? Narinig kong ikinasal daw siya sa basurang iyon…”
Masayang nagchichismisan ang mga babae habang tumatayo ang isa para gayahin ang ginagawa ni Darryl sa video. “Hindi ko sigurado kung narinig niyo rin kanina ang narinig ko noong kararating rating ko lang dito, sinabi ni Darryl na bibilhan niya raw ng Worship of Crystal si Miss Lyndon!”
“Hahaha, nagbibiro tlaga siya!”
“Oo nga, tingnan ninyo kung gaano siya kadungis habang nagluluksa sa nasira niyang bike. Nagkakahalaga ang Worship of Crystal ng 30 million, kailangan niya munang magtrabaho ng ilang henerasyon bago ito mapagipunan!”
Walang tigil ang paguusap usap ng mga ito nang mapalingon ang isa sa kanila at napansin ang nakatinging si Lily. Agad na nagbago ang itsura sa kanilang mga mukha.
“Pasensya na po Miss Lyndon, babalik na po kami sa trabaho…”
Napakagat nang husto sa kaniyang labi si Lily habang ibinabangon ang kaniyang sarili sa kahihiyan na kaniyang tinanggap! Kahit na siya pa ang general manager, makakaramdam pa rin siya ng kahihiyan sa mga ganitong klase ng sitwasyon. Hindi siya lumabas para mananghalian noong araw na iyon at sa halip ay nagkulong siya sa kaniyang opisina, hindi na niya maiwasang maluha sa kahihiyan na kaniyang tinanggap.
Samantala, naghuhum na umuwi si Darryl sa kaniyang tahanan. Aattend siya ng high school reunion kaya kinakailangan niya munang umuwi para makapagpalit.
Agad na nawala ang magandang mood ni Daryll nang pumasok siya sa bahay na pagaari ng pamilya ni Lily, dito niya nakita ang nakadekwatrong si Samantha habang nakaupo sa sofa, tinitingnan siya nito gamit ang nanlilisik nitong mga mata.
“Mabuti at nakabalik ka na Darryl, lumapit ka sa akin.”
Tatlong taong nanirahan si Darryl sa bahay na ito kasama ang pamilya ni Lily, at matindi rin ang takot na nararamdaman niya kay Samantha.
“Magimpake ka na Darryl, makikipagdivorce ka bukas at lalayas na sa pamamahay na ito.” Walang awang sinabi ni Samantha.
“Pero ma’am… Seryoso po ang pagmamahal ko kay Lily…” Nakayukong sinabi ni Darryl. Matapos ang tatlong taon nilang pagsasama, natural na mas magdevelop ang nararamdaman niyang pagmamahay kay Lily.
Hinampas ni Samantha ang kanilang lamesa matapos marinig ang mga salitang ito. Tumayo siya at naglakad papunta kay Darryl. “Mahal mo ang anak ko? Anong karapatan mo para mahalin siya? Hinayaan kita ng tatlong taom, ano pa bang magagawa mo maliban sa gawaing bahay? Paano mo nasabing bagay ka para sa anak ko? Alam mo ba kung ilang mga lalaki ang nagkakandarapa na mapangasawa ang anak ko? Tumawag sa akin si Ashton Adagio at sinabing bibigyan niya ang aming pamilya ng 20 million dollars na dowry sa sandaling ipakasal ko siya sa aking anak.”
20 milyon dolyar na dowry? Ngiting bahagya ni Darryl. Malayong kamaganakan niya si Ashton na nasa ilalim ng kanilang angkan, anak siya ng isa sa kaniyang mga tita. Ang lahat ng kayamanan ni Ashton ay nagmula sa mga Darby. TInawagan na rin ni Darryl ang kaniyang angkan noong ihatid niya ang kaniyang asawa at sa loob lang ng 24 oras ay mawawalan na si Ashton Adagio ng kayamanan. Kaya paano niya magagawang bayaran ang 20 milyong ipinapangako niya kay Samantha?
“Hindi po ako aalis ma’am. Papayag lang po akong makipagdivorce sa sandaling si Lily na ang magsabi nito sa akin sa personal.” Tinapos ni Darryl ang kaniyang sinasabi bago tumalikod at muling lumabas ng bahay.
“How dare you! Bumalik ka rito ngayundin!” Idinabog ni Samantha ang kaniyang paa sa sahig dahil sa kaniyang galit at hinabol si Darryl nang nakahigh heels pero masyado na itong nakalayo sa kaniya.
Kinagabihan, sa Neptunus Corporation.
Nagkulong nang buong araw si Lily sa loob ng kaniyang opisina. Naging katatawanan siya sa lahat ng empleyado ng kumpanya dahil sa naviral na video ni Darryl noong ihatid siya nito kaninang umaga.
Huminga nang malalim si Lily bago dahan dahang lumabas ng kaniyang opisina. “Sige na, puwede na kayong umuwi.” Sabi ni Lily sa kaniyang mga empleyado.
“Mayroon pong package para sa inyo, Miss Lyndon.” Makikitang dala ng isang receptionist ang isang box na kaniyang ibinigay kay Lily.
Maririnig ang pagkamangha sa mga taong nasa paligid matapos makita ang dala nitong box! Im…imposible na maging ganito ito karangya? Paano naging ganito kagilded ang isang delivery package?
“Wow, anong klase ng delivery package ito?”
“Opo Miss Lily, ito rin ang unang beses kong makakita ng isang nakagilded na delivery package!”
“Siguradong regalo ito mula sa isang kilalang tao, buksan niyo na po nang makita natin ang laman nito, Miss Lily.”
Kahit na naging mahigpit si Lily sa trabaho, pinanatili pa rin nito ang mabuting pakikitungo at relasyon sa kaniyang mga empleyado. Nacurious ang lahat sa laman ng package na ito kaya agad na nagkumpol kumpol ang mga empleyado sa paligid ni Lily.
Nagtaka rin dito si Lily. Hindi naman siya bumili ng kahit na ano online, kaya saan kaya manggagaling ang package na ito? Matapos makita ang pagkasabik sa mukha ng lahat, ngumiti nang bahagya si Lily at binuksan ang box.
Sa sandali ring ito napapigil ng hininga ang lahat! Nagkaroon ng matinding katahimikan sa loob ng sampung segundo at biglang nagsimula sa nasasabik at kanya kaniyang pagsasalita!
“ito… ito ang… Worship of Crystal?”
“Hindi nga! 99 pares lang ang ginawang worship of crystal at ibinibenta ito sa halagang umaabot sa 30 million dollars!”
“Napakaganda nito! Napakasuwerte niyo po Miss Lily!”
Nagusap usap sila sa kanilang mga sarili, pero wala pa ring masabi na kahit ano si Lily hanggang sa mga sandaling ito! Ilang taon na niyang gusto na makabili ng isang pares nito. At sapat na rin ang isang tingin para makita na original ito!
Paano ito nangyari! Napaatras ang hindi makapaniwalang si Lily na para bang nasa loob ng kaniyang panaginip. Maliban nalang… maliban na lang kung ibinenta ni Ashton ang kaniyang kumpanya para ibigay sa kaniya ang pares ng heels na ito? Naantig ang puso ni Lily habang iniisip ang posibilidad na ito. Siguradong paguusapan siya sa sandaling suotin niya ang Worship of Crystal sa annual reunion ng kanilang pamilya mamaya.
***
Flouria KTV, Donghai City.
Ang KTV na ito ay isa sa pinakasikat na mga entertainement centers sa buong Donghai City. Masyadong mataas ang buying power nito kaya kilala ang halos lahat ng mga pumupunta rito, napuno rin ang entrance nito ng mga mamahaling sasakyan. Dito gaganapin ang high school reunion na aattendan ni Darryl.
Nakasakay naman si Darryl sa bagong bili niyang electric bike na kaniyang ginamit papunta rito at sumisipol niyang ipinarada ang kaniyang bike sa harap ng entrance. Gusto niyang bumili ng sasakyan kaso hindi niya pa ito magagawa dahil ibinigay niya ang kaniyang Identity card sa kinikilalang ama ng kanilang angkan, kaya wala pa siyang magagawa kundi bumili muna ng bike sa ngayon. Nasabik siya nang husto dahil malapit na niyang makita muli ang kaniyang mga kaklase.
Kapaparada pa lang ng kaniyang bike nang makarinig siya ng isang nagmamadaling pito.
“Maililipat mo ba iyan?! Bike lang ang dala mo pero gusto mo nang sakupin ang isang buong slot?” Isang BMW 5 series ang huminto sa tabi ng kaniyang bike, inilabas ng driver nito ang kaniyang ulo at tinawag si Darryl.
Nagkatitigan ang lalaki at si Darryl at nasupresang makita ang isa’t isa!
“Class monitor!?” sabi ni Darryl habang tumatakbo papalapit sa sasakyan. Ang lalaking nakasakay sa magarang sasakyan ay walang iba kundi ang class monitor ng high school class ni Darryl na si Clifford Conway.
“Darryl? Anong nangyari s aiyo?” Bumaba si Clifford sa kaniyang sasakyan at tumingin kay Darryl mula ulo hanggang paa bago nanlalamig na tumawa at mabilis na pumasok sa KTV.
Naaawkward naman siyang tinawag ni Darryl para makipagusap, pero walang intension si Clifford na ipakitang kakilala niya ito. Naglakad silang dalawa papasok sa nakareserbang KTV room nang magkasunod. Nakarating narin ang iba pa nilang mga kaklase at napalingon sa pinto nang mapansin ang kanilang pagdating.
“Napakaguwapo na ni Class monitor ngayon no? Isa na siyang successful na tao!”
Agad na umingay ang KTV room nang pumasok sila rito. Agad na silang nagtipon tipon sa paligid ni Clifford.
Nakasuot ng isang mukhang mamahaling suit si Clifford. At ang higit sa lahat, hawak hawak nito ang susi ng kaniyang BMW na nakita rin ng lahat.
Habang naupo naman si Darryl sa isang tabi, hindi branded ang suot niyang damit at para lang sa electric bike ang susi na kaniyang hawak. Hindi naiba ang kaniyang itsura sa isang delivery man. Walang sinuman ang nakipagkumustahan sa kaniya kaya agad itong naging isang awkward na sandali.
Pero walang pakialam sa mga ganitong bagay si Darryl, tumingin lang siya sa kaniyang paligid. Dahil matagal na niyang hindi nakita ang mga ito, napansin niyang mas gumanda ang mga babae niyang mga kaklase. Pero ang pinakamaganda pa rin sa kanilang lahat ay si Giselle Lindt.
Si Giselle ang diyosa ng kanilang klase, madalas itong nagsusuot ng jeans na nagpapakita sa magandang hubog ng kaniyang katawan. Hindi rin mapapantayan ang tanglay nitong kagandahan.
Matapos ang ilang taon, mukhang makikitaan na rin ito ng pagkamature at pagkamahinhin sa kaniyang aura. Nagsuot ito ng skin tight na jeans sa kanilang reunion na mas lalong nakapagpabighani sa mga taong tumitingin sa kaniya.
Napansin din ni Clifford si Giselle at agad na nahook dito. Hindi niya naiwasang mapatanong na “Napakaganda mo ngayon Giselle, kumusta kana?”
Bago pa man makasagot si Giselle, isang babae ang agad na sumagot para rito “Class monitor, magiging artist ana ngayon si Giselle! Malapit na siyang pumirma ng kontrata sa Platinum Corporation!”
“Woah!”
Agad na umingay muli ang buong KTV room, sino bang taga Donghai ang hindi pa nakakarinig sa Platinum Corporation? Ilang A class celebrities ang hawak nito!
Sa totoo lang, maganda naman talaga si Giselle, kayang makipagsabayan ng kaniyang ganda sa ibang mga A-list celebrities sa Platinum Corporation.
Nasabik si Darryl matapos marinig ang pangalan ng Platinum Corporationm dahil siya na ang magmamayari ng kumpanyang iyon bukas nang umaga. Habang iniisip itom ngumiti si Darryl at lumapit kay Giselle, gusto niya sanang tumabi at makipagkumustahan dito. Habang papaupo, napansin niyang sumimangot si Giselle at nagpakita ng naiinis na tingin bago sabihing “Puwede bang huwag kang umupo rito?”
“Oh?” Dahan dahang tumayo si Darryl. “May nakaupo na ba rito?”
“Wala, ayoko lang tumabi sa iyo.” Nanlalamig na sinabi ni Giselle. “High school reunion ang pinuntahan mo Darryl, hindi ka ba makabili ng disenteng damit? Hindi ka ba nadudumihan sa damit mong suot ngayon?”
Kabanata 4
“Hayop ka, kalalaba ko lang nito kahapon, makasabi ka ng madumi ito sa paningin mo ha?” Isip ni Darryl sa kaniyang sarili. Magsasalita na sana siya ng kaniyang opinyon sa mga sinabi ni Giselle nang hatakin siya palayo ni Alex Armstrong.
Malapit silang magkaibigan noong high school pa lang sila. Nagkaroon na rin ng ilang pagkakataon kung saan nakipagaway at nagcutting classes nang magkasama. Mukhang si Alex lang ang nagiisang hindi nandidiri kay Darryl ngayong gabi.
Matapos hatakin si Darryl sa isang tabi, iniling ni Alex ang kaniyang ulo at sinabing “Bro, sinasabi ko s aiyo, isa ang tulad ni Giselle sa mga uri ng babaeng hindi natin dapat nilalapitan. Naghahanap ka ba ng sermon at kahihiyan sa ginawa mong iyong kanina?”
Hindi na nakapagsalita pa rito si Darryl at tumawa na lang nang mahina. Uminom at kumain silang lahat nang hindi namamalayan ang mabilis na paglipas ng gabi.
Maging si Giselle ay tipsy na rin kaya nang pilitin ng kaniyang mga dating kaklase, kinuha niya ang mikropono at kumanta habang dahan dahang sinisway ang kaniyang katawan. Naging mahinhin at kaakit akit ang kaniyang itsura sa mga sandaling ito na mas lalong nakapagpabighani sa mga lalaki na nasa kaniyang paligid. Napakaganda talaga ni Giselle!
Malalim na ang gabi nang magpasya silang umuwi. Hindi nakapunta sa reunion ang kanilang class teacher dahil mag bigla itong kinailangang gawin last minute kaya nagpasya silang magkaroon na lang muli ng pagkikita sa susunod na Monday.
Habang papaalis, nagkandarapa ang mga lalaki sa kanilang klase na ihatid si Giselle pauwi. Pero agad itong sumakay sa kaniyang Porsche at umalis nang makarating sa entrance na gumulat sa kanilang lahat.
“Napakaganda niya talaga.” Bulong ni Alex sa tabi ni Darryl. “Hindi na ako magtataka kung bakit mo nagawang tumabi sa kaniya kanina. Wala akong pakialam kahit mabawasan pa ng 10 taon ang aking buhay kung makakasama ko naman siya ng isang gabi.”
Nanlalamig namang tumawa rito si Darryl. “Kung ganoon, pinaplanong pumunta ni Giselle sa Platinum Corporation bukas para pumirma ng kontrata? Tamang tama,” isip ni Darryl dahil pinaplano niya ring pumunta roon bukas para tanggapin ang bago niyang posisyon bilang President ng kumpanya. Naputol ang kaniyang pagiisip nang biglang magvibrate ang kaniyang cellphone.
Natawa ang kaniyang mga kaklase sa paligid nang marinig ang kaniyang ring tone. Anong era na ba ngayon para makakita ako ng isang tao na gumagamit pa rin ng Nokia?
Mabilis na sinagot ni Darryl ang tawag matapos makita ang nakadisplay na numero rito. Bago pa man siya makapagsalita, agad niyang narinig ang boses ng kaniyang biyenan na si Samantha sa kabilang linya. “Alam mo bang ngayon ang taunang reunion ng aming pamilya, Darryl? Gusto mo bang hintayin ka pa ng buong pamilya namin bago magsimula? Pumunta ka na rito ngayundin!”
Dito na napatili si Darryl, nakalimutan na niya ang tungkol sa family reunion ng mga Lyndon!
Agad siyang sumakay sa kaniyang scooter habang nasa harapan ng kaniyang mga kaklase at mabilis na umalis. Pero kahit nagawa na niyang makalayo sa mga ito, nagawa pa ring marinig ni Darryl ang boses ng mga babae niyang kaklase na tumatawa sa kaniya.
Isang Land Rover ang makikitang nakapark sa gate ng isang high end residence na matatagpuan sa Beihai City. Isang magandang babae ang makikitang nakatayo sa harapan ng sasakyan habang naiinip na tinitingnan ang kaniyang cellphone.
“Nakabalik na ako.” Sabi ng humihingal na si Darryl. Itinabi niya ang kaniyang scooter at agad na tumakbo papunta kay Lily. Nagawa niyang makita na suot ng napagaganda nitong paa ang pares ng Worship of Crystal. Mukhang nagustuhan niya ang regalong ito na kaniyang agad na isinuot para sa reunion.
Pero nanlalamig siyang tiningnan ni Lily at sinabing “Sasabihan na kita ngayon pa lang, ngayon ang taunang reunion ng mga Lyndon kaya mas maigi kung ititikom mo na lang ang bibig mo roon at ilayo ako sa kahihiyan.”
“Oh,” sagot ni Darryl.
Hindi pa tuluyang nakakasakay si Darryl sa sasakyan nang makarinig nanaman siya ng isa pang reklamo.
“Wala ka bang suit, Darryl? Hindi mo ba alam kung gaano kalaking kahihiyan ang madadala mo sa pagsusuot ng mga mumurahing damit na iyan?” walang awang tinanong ni Samantha.
Nakasuot naman si Samantha ng isang short dress na nagpakita sa angkin niyang ganda. Makikita ng sinuman ang pinagsamang maturity at pagiging kaakit akit ng kaniyang aura sa sandaling makita nila ito, isa siyang magandang tanawin na agad makakakuha ng pansin sa kahit na sinong nasa kaniyang paligid.
Tahimik naman itong binalewala ni Darryl.
Agad na nagalit si Samantha nang makita ang walang pakialam na si Darryl. “Bingi ka ba talaga o tanga? Tingnan mo kung gaano ka kacheap, parang naging sumpa sa ilang henerasyon ng aming pamilya ang pagpapakasal mo sa aking anak.”
“Huwag ka nang magalit mom.” Sabi ni Lily habang dahan dahang nagdadrive ng sasakyan.
“Paanong hindi ako magagalit?!” Sabi ni Samantha habang dinuduro si Darryl. “Inuutusan kitang magpunta sa Marriage Registry pagkatapos ng okasyong ito at magapply ng divorce. Ayaw na kitang makita na pakalat kalat sa pamamahay naming naiintindihan mo?”
Hindi makapagsalitang umupo roon si Darryl.
Noong mga sandaling iyon makikita ang higit sa isandaang mga sasakyan sa labas ng villa na pagaari ng mga Lyndon, at ang lahat ng mga sasakyang ito ay itinuturing na mga luxury cars.
Puno na ng tao ang hall ng villa nang makarating si Lily at ang kaniyang pamilya. Ilang mga tao rito ang lumapit para makipagkumustahan kay Lily pagbaba nito sa sasakyan.
Itinuturing nang lahat na bato si Darryl sa mga ganitong okasyon, walang kahit na sino ang may gusting kumausap sa kaniya. Pero wala siyang pakialam dito dahil naririto lang naman siya para sumali sa kasiyahan. Kaya sa sandaling ihain na ang handa, agad nang pipila si Darryl para kumain nang kumain hangga’t kaya niya.
Pero mayroon ding mga tao na mahilig gumawa ng gulo nang walang dahilan, is ana rito si William Lyndon. Mukhang mayroon itong hinanakit kay Darryl dahil hinding hindi niya pinalalampan sa kaniyang mga insulto si Darryl sa bawat sandaling magkita silang dalawa.
“Yoohoo, hindi ba ikaw ang napakabait na manugang ng mga Lyndon, Darryl?” Tanong ni William habang naglalakad mula sa malayo, sinadya niyang lakasan ang kaniyang pagsasalita upang marinig ito ng lahat. “Darryl, nakita ko na ang mga damit na iyan sa mga sale noon. Magkano nga ba iyan, 10 dollars bawat isa?”
Napatingin ang lahat kay Darryl matapos marinig ang mga sinabk ni William. Tinitigan nilang lahat si Darryl na para bang isang unggoy sa zoo.
“Magiingat ka sa pagsasalita mo, 19 dollars ang nagastos ko sa mga ito.” Bulong ni Darryl.
Dito na sumabog sa tawanan ang buong hall. Sinubukan ng ilang kababaihan na panatilihin ang kanilang postura habang nakikisali sa tawanan.
“Manahimik ka na lang,” pabulong na sinabi ni Lily. Naramdaman niya ang muling pagdurog ni Darryl sa kaniyang pride. Kung hindi lang dahil sa rules ng kanilang angkan na nagrerequire sa bawat isang miyembro nito na dumalo sa taunan nilang reunion, hinding hindi niya ito magagawang isama!
“O ikaw pala iyan Lily, hindi naman sa minamaliit ko ang pamilya mo. Wala akong pakialam kung 19 dollars lang ang damit na suot ng asawa mo. Pero kung titingnan ang damit na suot mo, siguradong hindi lalampas sa 1,800 ang halaga nito tama?” Hindi mo ba nakikita ang suit na suot ko ngayon? Isa itong tailor-made suit ni Ermenegildo Zegna. Alam mo ba kung magkano ito?”
Itinaas ni William ang ilan sa kaniyang mga daliri sa kamay at iwinagayway ito sa mukha nina Darryl at Lily. “700,000.”
“Wow!”
Namamanghang napatingin ang lahat sa suit ni William matapos marinig ang mga sinabi nito. Napatigil ang mga babae at nainggit maging ang mga lalaki sa kaniya.
Napakagat nang husto sa kaniyang labi si Lily, 1,200 dollars nga lang ang nagastos niya para sa dress na ito. Maging siya ay hindi magagawang mangarap na magkaroon ng damit na nagkakahalaga ng 700,000.
Naramdaman ni Lily na pinagtatawanan siya ng mga tao sa paligid na parang isang walang kuwentang nilalang, dito na nagblush ang napakaganda niyang mukha.
Nang biglang naglakad si Darryl papalapit kay William at hinawakan nang bahagya ang suot nitong suit.
“Nahihibang ka na ba?!” Agad na nagalit rito si William. “Wala kang karapatan na hawakan ang suit na ito!”
Bahagyang ngumiti si Darryl at sinabing, “Mukhang ang damit na suot mo ang hindi nababagay para sa okasyong ito. Ang suit na ito ay dinisenyo ng kilalang Italian fashion designer na si Francesco Martin. Isa piraso lang ang kaniyang ginawa na kasalukuyang nakadisplay ngayonsa Italian Fashion Museum. Kaya sigurado ako na isang replica lang ang suot mo ngayon at hindi lang iyon, hindi pa naging maganda ang pagkakareplica nito. Mayroon isang nakausling sinulid sa kanang bulsa ng iyong suit, maaari mo na itong tanggalin ngayon. Kung tama ang computation ko, nagkakahalaga lang ng 200 dollars ang suit na iyan. Maging ang 1,200 dollar dress na suot ng aking asawa ay mas makalidad kaysa sa suot mong suit ngayon.”
“At ang inspirasyon pala ng suit na iyan ay nagmula sa kaniyang ama na si Petrarch na nagkaroon ng depression matapos malugi ng kaniyang negosyo. Naramdaman niya na distorted ang mundo. Kaya ang stripes na makikita sa suit na ito ay sinadya niyang ilagay upang ipakita ang kaniyang pananaw sa distorted niya ring realidad.” Nagpatuloy sa pagsasalita si Darryl.
“Sa pagsusuot ng suit na iyan sa okasyong ito, hinihiling mo ba na malugi rin ang mga negosyong hawak ng mga Lyndon?!” Nakangiting sinabi ni Darryl. Hindi naging malakas ang kaniyang pagsasalita pero mabilis pa rin itong narinig sa loob ng hall!
Katahimikan! Napuno ng katahimikan ang paligid!
Nagulat ang lahat sa mga binitawan niyang salita, hindi sila makapaniwalang nagmula ang mga salitang ito sa bibig ni Darryl!
“Oo nga pala. Hindi naging demanding ang asawa ko sa kaniyang mga susuotin pero nabawi naman ito sa kaniyang standard para sa isusuot niyang mga sapatos,” sunod sunod na lumabas ang mga salita sa bibig ni Darryl. “Ang mga heels na kaniyang suot ay ang orihinal na Worship of Crystal. Kung hindi niyo pa ito naririnig, maaari niyo itong isearch online.”
“Wow!”
“Ang Worship of Crystal? Original nga ito! Napakaganda pala nito sa personal…”
Nasasabik ang lahat na nagusap usap sa paligid! Matataas ang pinagmulang estado ng mga babae na nasa loob ng hall na ito kaya paano nilang hindi malalaman ang tungkol sa Worship of Crystal? Sapat na ang isang tingin para makitang original ang suot na pares ng heels ni Lily!
Ito ang Worship of Crystal na nagkakahalaga ng 30 million! Kahit sino pa ang tanungin mo, walang kahit na sino ang tatanggi rito! Agad na naging center of attraction si Lily ng lahat habang pinauulanan ng mga pagbati at paghanga mula sa mga taong nasa kaniyang paligid.
Hindi maiwasang mapatingin ni Lily kay Darryl. Sa tatlong taon nilang pagsasama, ito ang unang beses na naramdaman niya ang pagiging lalaki ng basurang ito. Pero paano nalaman ni Darryl ang lahat ng impormasyon na kaniyang sinabi kanina? Ang pangalan ng Italian designer at maging ang naging inspirasyon nito, siguradong iilan lang ang nakakaalam nito sa mundo.
Matapos magisip nang kaunti, naniwala si Lily na baka palihim na sinearch ni Darryl online ang tungol dito!
“Walang kabuluhan ang mga pinagsasabi mo!” Sabi ni William habang nakaturo kay Darryl sa sobrang kahihiyan.
“Pak!”
Nang biglang sampalin ni Samantha si Darryl!
Naging malakas ang pagsampal niyang ito kay Darryl kaya agad na natahimik ang lahat sa sobrang pagkagulat.
“Anong pinagsasabi mo, Darryl? Humingi ka ng paumanhin kay William ngayundin!” Walang awa na sinabi ni Samantha.
Kabanata 5
Nasa kamay ng kanilang lola ang pamamahala sa buong angkan ng mga Lyndon, at si William ang pinakapaburito nitong miyembro ng angkan. Naging maganda rin ang ipinakitang performance ni William dahil mayroon na itong hindi bababa sa 30 million dollars na halaga ng mga ari arian. Kaya siguradong mamasamain ang sinumang babastos o makakaaway nito.
“Anong ginagawa mo Mom?” tanong ni Lily habang naglalakad papalapit para awatin ang kaniyang ina.
Kahit na kinaiinisan ni Lily si Darryl, nagawa pa rin nitong ipagtanggol siya at ibangon sa nararamdaman niyang kahihiyan.
Hinawakan ni Darryl ang kaniyang muka kung saan makikita ang namumulang bakas ng kamay ni Samantha. Pero nagpakita pa rin siya ng kaunting ngiti. Matapos ng tatlong taon nilang pagsasama, ito ang unang beses na kampihan siya ni Lily. Tumalikod na lang si Darryl at nakangiting umalis.
“Bumalik ka ritong basura ka!” kahit na nakalayo na siya kay Samantha. Narinig niya pa rin ang malakas nitong sigaw.
Habang pinapanood ng lahat ang kahahantungan ng kaguluhang ito, isang matandang boses ang maririnig hindi kalayuan.
“Ano ang kaguluhang ito?” tanoing ni Grandma Lyndon habang naglalakad papunta sa stage. Agad na natahimik ang maingay na hall nang makita siya ng lahat.
“Sige na, sige na, hindi na kailangan ng ganyang formality. Maupo na kayong lahat.” Ikinaway ni Grandma Lyndon ang kaniyang kamay, at matapos suportahan ng ilang mga tao, dahan dahan siyang umupo sa kaniyang upuan. “Ayon sa mga pinagkakatiwalaan kong mga sources, magkakaroon ng bagong president ang Platinum Corporation ng Donghai City bukas.”
“Woah!”
Agad na uminit ang usapan sa paligid. Mayroong sampung mga advertising company na pagaari ang mga Lyndon. At nitong mga nakaraang taon, ginagawa ng mga Lyndon ang kanilang mga makakaya para magkaroon ng partnership sa pagitan nila at ng Platinum Corporation dahil ito ang pinakamalaking entertainment company sa buong Donghai City. Siguradong magiging stable ang kanilang kita sa sandaling matupad ang partnership na ito.
Pero ang nagmamayari sa Platinum Corporation ay walang iba kundi ang angkan ng Darby na may mababang tingin sa mga Lyndon! Ang bawat isang request para sa partnership ay agad na nirereject ng mga ito. Kaya sa pagupo ng bagong presidente ng kumpanya, kinakailangan muling subukan ng mga Lyndon na lumapit at humiling ng partnership sa mga ito!
“Sinong may gustong makipagusap tungkol sa hiling nating partnership?” Dahan dahang tinanong ni Grandma Lyndon habang tumitingin sa buong hall. “Ang sinumang matagumpay na makikipagpartnership sa Platinum Corporation ay kikilalanin bilang miyembro na may pinakamalaking naiambag sa ating angkan!”
“Ako na lang po!”
“Ako na po ang pupunta lola!”
“Gusto ko rin pong makipagusap sa kanila!”
Nagkandarapa ang lahat sa role na iyon maliban na lang kay Lily. Alam niya na masyado nang mababa ang kaniyang katayuan sa kanilang angkan para mapili sa mga ganitong klase ng gawain.
Matapos makita ang nasasabik na mga tao sa paligid, natutuwang itinango ni grandma Lundon ang kaniyang ulo at ngumiti. Tinuro niya si William at sinabing “William, bakit hindi ka pumunta roon bukas at subukan silang kausapin.”
Nanlaki ang mga mat ani William at nasasabik na tumango.
Magisang umalis si Darryl at sumakay ng taxi pauwi. Kailangan niyang bawiin ang kaniyang tulog kagabi mula sa pagkasabik na kaniyang naramdaman mula noong ibalita sa kaniya ang biglaan niyang pagyaman.
Napakahimbing na natulog ni Darryl noong gabing iyon. At noong kinaumagahan ay agad siyang umalis matapos magalmusal at nagpunta sa Platinum Corporation gamit ang kaniyang scooter.
Sinabihan na siya ng kaniyang Tito Drake na sasalubungin siya ng sekretaryang si Pearl Hahn sa kumpanya.
Nakatayo sa gitna ng masiglang business district ng Donghai City ang Platinum Corporation. Makikitang nakaparada sa harapan nito ang isang hilera ng mga luxury cars at ang karamihan sa mga ito ay pagmamayari ng mga artistang hawak ng kumpanya.
Nakasaad sa company policy na kinakailangang magreport ng mga artista sa kumpanya, araw araw. Kung sakaling magkaroon sila ng emergency, kinakailangan nilang magrequest ng leave. Kaya madalas na tumatambay ang mga paparazzi sa harapan ng building para kuhanan ng litrato ang mga artistang naglalabas masok dito at ibenta sa napakalaking halaga. Sa sandaling magawa nilang makakuha ng isang kontrobersyal na litrato, siguradong kikita sila ng malaki sa mga artistang ito.
“Hay, napakacheap nga ng pagsakay sa scooter na ito papasok sa ganito kalaking kumpanmya, kailangan ko na talagang bumili ng bagong sasakyan…” isip ni Darryl habang ipinaparada ang kaiyang scooter sa entrance ng kumpanya.
Nang biglang marinig niya ang ingay mula sa makina ng isang sasakyan na sinundan ng isang malakas na kalabog na nakapagpatalsik sa scooter ni Darryl nang kaunti.
Napalingon si Darryl at nakita ang isang Porshe Cayenne na bumangga sa kaniyang scooter. Hindi ito gaanong nagasgasan pero nayupi naman nang husto ang likurang bahagi ng kaniyang scooter.
“Buwiset! Ang bagong bili kong scooter! Ang bilis naman nitong masira?” isip ni Darryl na para bang naiiyak nang walang luha. Napansin niya rin ang pagdami ng mga tao sa kaniyang paligid na nakiusyoso sa nangyayaring komosyon.
“Marunong ka bang magmaneho?” sabi ng isang magandang babae habang pababa sa kaniyang sasakyan.
“Wow…”
Agad na napuno ng pagkasabik hangin sa paligid ng mga nagkakagulong tao, agad na nakuha ng babaeng ito ang atensyion nilang lahat. Nakasuot ito ng sheath dress at isang pares ng high heels, naging maalindog rin ang hubog ng kaniyang katawan. Siguradong pagtitinginan ang babaeng ito saan man siya magpunta.
“Giselle?” sabi ni Darryl.
Nandito si Giselle para pumirma ng kontrata! Ngiti ni Darryl. Kahit na binangga nito at sinira ang kaniyang scooter, mabuti pa ring walang ni isa ang nasaktan sa pangyayari. Kaya hinayaan na niya ang insidenteng ito at naglakad palapit kay Giselle para batiin ito nang makilala siya ni Giselle.
“Ikaw? Darryl? Anong ginagawa mo rito?”
Kumunot ang mga kulay ni Giselle at agad naisip na si Darryl ay isang security guard sa Platinum Corporation.
“Bulag ka ba? Marunong ka bang magmaneho?” sabi ng nanggigigil na si Giselle. Isang linggo pa lang mula noong bilhin niya ang kaniyang sasakyan kaya naging malaking issue pa rin sa kaniya ang maliit na gasgas sa harapan nito.
“Pero ikaw mismo ang bumangga sa akin…” walang magawang sinabi ni Darryl. “Bakit ako pa ang sinisisi mo sa nangyari…”
“Anong nangyayari rito?” Bigla nilang narinig ang isang boses na nagmula sa isang middle aged na lalaki. Ito ang head ng security sa Platinum Corporation na nagsama ng ilang mga guards para pahupain ang kaguluhan sa entrance ng kumpanya.
Nagulat ang head ng security nang makita ang nangyari. Isang banggaan sa pagitan ng isang scooter at isang Porsche? Naisip nito na isang artista ang babae na naririto para pumirma ng kontrata. Kaya hindi dapat ito mabastos o mapahiya!
Matapos itong maisip, tumuro ang head of security kay Darryl at sumigaw ng “Ano sa tingin mo ang ginagawa mo? Hindi mo ba alam na bawal sa Platinum Corporation ang pagpasok at pagparada ng mga scooter?”
“Mayroon ba kayong ganoong batas? Sinong gumawa nito?” Nanlalamig na sinabi ni Darryl.
“Sinong gumawa nito? Ako ang gumawa nito!” Sabi ng head of security. “Humingi ka ng paumanhin sa babaeng ito ngayundin!”
Matapos marinig ang sinabi ng head of security, ngumiti si Giselle at tumuro kay Darryl. “Sigurado akong isa siya sa mga bago ninyong security guard tama?”
Natigilan ang head of security at tiningnang maigi si Darryl. Nakasuot ito ng mumurahing damit at nakasakay sa isang scooter, siguradong naririto siya para magapply bilang isang security guard.
“Huwag kang magalala Miss, hindi naming siya tatanggapin!” Sigurado ng head of security habang hinahawakan ang kaniyang dibdib. Tumingin siya pabalik kay Darryl at sinabing “Ngayon ba ang unang araw mo? Kung ganoon ay tanggal ka na sa trabaho.”
“Hindi maganda ang nakasanayan nilang ito sa kumpanya.” Iling ni Darryl sa kaniyang ulo. Naging walang awa ang head of security sa kaniya dahil sa pangmahirap niyang itsura.
“Gusto kong makita kung paano moa ko tanggalin,” dahan dahang sinabi ng nakangiting si Darryl. “Mayroon ka ba talagang awtoridad na magtanggal ng kahit na sino?”
“Ikaw!” Turo ng head of security kay Darryl. Siguradong nasisiraan na ng bait ang batang ito. Wala ngang awtoridad ang head of security na magtanggal ng kahit na sino, pero kung narito si Darryl para magapply bilang isang security guard, bilang head of security, siguradong pahihirapan niya ito nang husto.
“Nakakasuka ka talaga Darryl.” Sabi ni Giselle habang ikinakalampag ang kaniyang mga heels papunta kay Darryl at namumuhing nakatingin dito. “Kung hindi ka matatanggal ng head of security, sigurado akong matatanggal ka ng deputy manager tama?”
Matapos magsalita, nilabas ni Giselle ang kaniyang cellphone at nagsend ng isang text message. Matapos ang ilang sandali. Isang babaeng nakabusiness attire ang lumabas mula sa entrance ng building at lumapit sa kanila.
Kaakit akit ang itsura ng babaeng ito na mayroong taas na nasa 165cm at edad na nasa 30 years old. Nakasuot ito ng business attire at itim na high heels na nagpakita sa kaniyang pagkababae at pagiging mature.
“Miss Peach.”
Nang makita ang pagdating ng babaeng nakabusiness attire, agad na nagsiyuko ang mga empleyado at mga security guards nang sunod sunod para batiin ito. Ang babaeng ito ay ang deputy manager ng Platinum Corporation na si Penelope Peach.
“Tita Penelope.” Sabi ni Giselle habang umaabante para batiin si Penelope. Dahil sa kuneksyon bilang deputy manager ni Penelope nagawa ni Giselle na makakuha ng kontrata mula sa Platinum Corporation.
Itinango ni Pelenope ang kaniyang ulo at tumingin kay Darryl para sabihing “Humingi ka ng paumanhin kay Giselle.”
Ano?
Naramdaman ni Darryl na mukhang magiging masaya ang mga sandaling ito at nagtanong ng “Bakit ko kailangang humingi ng paumanhin? Sino ka ba?”
“Mukhang matindi ang naging tama ng lalaking ito sa kaniyang ulo kaya hindi niya nagawang makilala maging ang deputy manager.” Bulong ng ilan sa mga empleyado.
“Oo, naghahanap siya ng gulo dahil lang ayaw niyang humingi ng paumanhin?”
Nanlalamig na tumitig si Penelope kay Darryl at sumimangot. “Naririto ka para magapply bilang isang security guard tama? Sino ba ang tumanggap sayo rito? Hindi bale. Dahil ayaw mong humingi ng tawad, bilang deputy manager ng kumpanyang ito, tinatanggal na kita sa trabaho. Kaya sumakay ka na sa scooter mo at umalis sa lugar na ito.”
“Ako? Umalis?” turo ni Darryl sa kaniyang sarili bago ito tumawa.
“Bingi ka ba? Hindi ka ba makaintindi?” nagngingitngit na sinabi ni Giselle. “Itinuturing kong malas ang araw kong ito para makaharap ang isang langaw na kagaya mo. Nagawa mo ring gasgasan ang bagong bili kong sasakyan, hindi na ako hihingi ng danyos sa iyo. Umalis ka na sa harapan ko.”
“Beep beep beep!”
Sa mga sandaling iyon maririnig ang busina ng isang Bentley na huminto sa harapan ng mga nagkumumpulang tao. Isang babae na mukhang nasa early 20s na nakasuot ng isang itim na business attire at salamin ang bumaba sa kotse.
“Paumanhin po sa pagiging late ng aking pagdating, Mr. President.” Sabi ng secretary na si Miss Pearl habang nagmamadaling naglalakad papunta sa harapan ni Darryl bago yumuko nang 90 degrees.
I-click ang "install now" para i-download ang app at hanapin ang 0357" para basahin ang buong aklat!
LAVIDA LENA
ANG PROBINSYANO
JULY 1
Comments
Post a Comment